குவைத் குர்ஆன் மனன போட்டியில் அப்­துல்லாஹ் ஹரீஸ் முதலாம் இடம்

குவைத் பாரா­ளு­மன்­றத்தின் முன்னாள் சபா­நா­யகர்  ஜாஸிம் கராபியின் தந்தை மர்ஹூம் முஹம்மத் அப்துல் முஹ்ஸின் கராபியின் 17 ஆவது   வருட அல் ­குர்ஆன் மனனப் போட்­டியின் பரி­ச­ளிப்பு விழா கடந்த திங்கட் கிழமை (ஏப்ரல் - 28) அவ­ரது குவைத், ஷாமியா திவா­னி­யாவில் வெகு விமர்­சை­யாக  நடை­பெற்­றது.

இந்தப் போட்டி நிகழ்ச்சி பல பிரி­வு­களைக் கொண்­டி­ருந்­தது . குவைத்­தி­க­ளுக்கு தனி­யா­கவும்  ஏனைய  அரபி, அரபி அல்­லா­த­வர்­க­ளுக்கு ஒன்­றா­கவும்  போட்­டிகள் நடாத்­தப்­பட்­டன . அதில் ஒரு ஜுஸ்ஊ பிரிவில் அர­பி­க­ளுடன் போட்­டி­யிட்டு  மாத்­தறை, மீயல்­லையைச் சேர்ந்த மாணவன் அப்­துல்லாஹ் ஹரீஸ் முதலாம் இடத்தை பெற்­றுக்­கொண்டு தாய் நாட்­டுக்கு பெருமை தேடிக் கொடுத்துள்ளார். ஒரு இலங்­கையர் இந்த போட்­டியின் முதன் முறையாக முத­லிடம் பெற்­றது இது­வே­யாகும் .

கடந்த வருடம் இப்­போட்­டியின் அரை ஜுஸ்ஊ பிரிவில் இவ­ரது தம்பி அப்துல் அஸீஸ் ஹரீஸ் முதலாம் இடத்தை பெற்ற முதல் இலங்­கை­ய­ராக திகழ்ந்தார் என்­பதும் குறிப்­பி­டத்­தக்­கது .

1997 ஆம் ஆண்டு ஆரம்­பிக்­கப்­பட்ட இந்த  குர்ஆன் மனனப் போட்­டியில் இது­வரை 45 நாடு­களைச் சேர்ந்த  போட்­டி­யா­ளர்கள் பங்கு பற்றி யுள்­ளனர்.
மாணவன் அப்­துல்லாஹ் ஹரீஸ் 2008 ஆம் ஆண்டு குவைத் இஸ்­லா­மிய அழைப்பு மையம் (IPC ) நடாத்­திய தேசிய மட்டப் போட்­டி­யிலும் , பாட­சாலை மட்ட போட்­டி­க­ளிலும் , குவைத் பெரிய பள்ளி வாச­லினால் நடாத்­தப்­பட்ட போட்­டி­க­ளிலும் பல தட­வைகள் முதலாம் இடத்தை பெற்­றுக்­கொண்­டுள்ளார் . அதே போல் குவைத்தில் இயங்கும் சமூக சேவை அமைப்­பு­க­ளான  IIC ,IGC ,IMWA ,K -tic , Al- Falah போன்றவற்றால் வரு­டாந்தம் நடாத்­தப்­படும் அல் குர்ஆன் மனன, ஓதல் போட்­டி­க­ளிலும் பல பரி­சில்­களை தட்டிக் கொண்­டுள்ளார்.
அப்­துல்லாஹ் ஹரீஸ், அப்துல் அஸீஸ் ஹரீஸ் ஆகி­யோரின் பெற்­றோர்கள் இறை­வ­னுக்கு நன்றி செலுத்­து­வ­துடன் .இவர்­களின் வெற்­றிக்கு கார­ண­மா­யி­ருந்த அவர்­க­ளது ஆசான்கள் உட்­பட அனை­வ­ருக்கும் தமது ஆழ்ந்த நன்­றி­களை தெரி­வித்துக் கொள்­கின்­றார்கள். அதேபோல் புனித அல் குர்­ஆனை ஓதவும் , மனனம் செய்­யவும் ஆர்­வ­மூட்டி இவ்­வா­றான பல போட்­டி­களை ஏற்­பாடு செய்யும் கராபி குடும்­பத்­தா­ருக்கும், குவைத் அர­சாங்­கத்­துக்கும் தமது நன்­றி­களை தெரிவித்துக் கொள்கின்றார்கள்.